ایران جومهوریچیلری اتتیفاقی، مختلف فیکیر اوفقلری و فرقلی سیاسی کچمیشلره مالیک اولان جومهوریچیلرین سیاسی تشکیلاتیدیر کی، ایراندا آزادلیق و دموکراسییه نایل اولماق همچنین بشری حقوقلارین جهانی منشورو اساسیندا جومهوری نظامینی برپا ائتمک اوچون موباریزه آپاریر. ایران جومهوریچیلری اتتیفاقی اؤز سیاسی کارپایهسینی ایرهلی آپارماق، محقق ائتمک و جومهوریچیلرین هر چه داها گئنیش اتتیفاقینا نایل اولماق اوچون چالیشیر.
ایران جومهوریچیلری اتتیفاقی، باغیمسیز بیر سیاسی تشکیلات کیمی فعالیت گؤستریر
بیز گؤروشلریمیزی آشاغیداکی کیمی اعلان ائدیریک:
١ ـ ایراندا خالق حاکمیتینین تحقق تاپماسینین ان اویغون شکلی؛ اوچ قونونون بؤلونمهسی، بشری حقوقلارین جهانی اعلامیهسی و اونون ضمیمه میثاقلاریندا درج اولونموش فردی و ایجتماعی حقوق و آزادلیقلارین تأمین ائدیلمهسی اساسیندا پارلمان جومهوریسی نظامیدیر. حاکمیتین تناوب اصلی و اؤلکهنین و دؤولتین باشچیلارینین سچیلمهسی، حؤکومت امرینده هر حانسین وراثتی، دینی و مکتبی ایمتیازلار ادعاسینی بیاعتبار ائدیر.
٢ ـ جومهوری نیظامی، هئچ بیر مذهب و مکتبین تابعچیلرینین سیاست مئیدانیندا حضورو و ایشتیراکینا مانع اولmadan، دین و مکتبین حؤکومتدن آیریلماسی اساسیندا قورولاجاقدیر. بو آیریلیق، بوتون دینلر، مذهبلر و عقیدهلر تابعچیلرینین دموکراتیک شکیلده بیرلیکده یاشاماسینا امکان یارادیر و دؤولتی، وطنداشلارین خصوصی و شخسی حیات ساحهسینه قاریشماقدان ساخلاییر.
۳ ـ ایجتماعی، ایقتیصادی و مدنی محرومیتلر و تضییقلر آرادان قالدیریلمادان دموکراسینین داواملی اولماسی ممکون دئییل. آزادلیق، ایجتماعی عدالت و ایقتیصادی اینکیشاف بیر-بیرینین لازیمی و ملزومودور. بیز داواملی اینکیشافین، ایجتماعی تهلوکهسیزلیگین و هامینین مسکن، ساغلیق، تحصیل، مدنیت و رفاه امکانلارینا ال چاتدیرماسی اوچون برابر فرصتلرین یارادیلماسینین طرفدارییق.
۴ ـ داواملی اینکیشاف، اینسانین طبیعطله متوازن شکیلده بیرلیکده یاشاماسینی طلب ائدیر. بو سببدن بیز بوگونکو نسللرین ساغلیغی و گلهجک نسللرین قالماسی اوچون طبیعتین و اطراف محیطین قورونماسینی ایستهییریک.
۵ ـ قادینلارین حقوقو، بشری حقوقدور. بیز قادینلارین و قادینلارا قارشی آیری-سئچکیلیکلرین آرادان قالدیریلماسی کونوانسیونوندا درج اولونموش حقوقلارین برابرلیگینه و اصوللارینا اینانریق. بیز عایلهده و جومعیتده قادینلارین حقوقونون قانونلا تأمین اولونماسینی، قادینلارا قارشی جینسیته اساسلانان مدنی، سیاسی و ایجتماعی ضولملرین آرادان قالدیریلماسینی و قادینلارین استعدادلاری و باجاریقلارینین فردی و ایجتماعی حیاتین بوتون ساحهلرینده بؤیۆمهسی اوچون لازیمی امکانلارین یارادیلماسینی ایستهییریک.
۶ ـ بیز قومی، دیلی، دینی فرقلری و فردی یاشام طرزلرینی نظر آلمادان بوتون وطنداشلارین حقوقلارینین تام برابرلیگینه اینانریق و ایراندا مدنی، سیاسی و ایجتماعی ساحهلرده اقلیتلره قارشی کئچمیش تضییقلرین جبران ائدیلمهسینی و اقوام و مختلف مذهب تابعچیلری آراسیندا قارشیلیقلی آنلاشمانین گئنیشلنهمهسی یولوندا چالیشماغی تالَب ائدیریک.
۷ ـ اؤلکهنین اداره اولونماسی اساسلاریندان بیری، یاشاییش شرایطی و یئرلی و بؤلگهسل ایشلرین اداره اولونماسی ایله باغلی قرارهای آلینمانین همین یئر و بؤلگهنین خالقینین سچیلن قوروملارینا تاپشیریلماسیدیر. مسئولیتلرین پایلانماسینا و حاکمیتین مرکزسیزلشدیریلمهسینه اساسلانان سیاست، ارضی بوتؤولوگون و میلّی منافعلرین اوستونلوگونون چارچووسوندا، قومی اقلیتلرین حقوقلارینین الده ائدیلمهسی ایله بیرلیکده، ایرانلیلارین میلّی همرأیلیگینی داها کؤکلو ائدیر و میلّی حاکمیتین تثبیت و ضامنت عاملی اولاجاقدیر.
۸ ـ بیز صولحسئور سیاسی موباریزهنین طرفدارییق و ایقتیصادی و سیاسی طلبلره چاتماق اوچون توپلانتیلارین، اعتصابلارین، یورویوشلرین، تضییقلرین و مدنی مقاومتلرین کئچیریلمهسینی، همچینی عمومی آرایا مراجعت ائتمهنی و رفراندومو، خالقین قانونی حقوقلارینین بیر حیصهسی و بینالخالق عهدنامهلره و ضابطهلره اویغون بیلیریک.
۹ ـ بیز سیاسی، ایجتماعی و عایلهوی مناسبتلردن زوراکلیغین زدولهنمهسینی ایستهییریک. بیز ایشکنجنی و اؤلوم جزاسینی رد ائدیر و قیناییریک، و قسسا و اینسان حیثیتی ایله ضید اولان جازالاری اساسسیز بیلیریک. بیزیم اینانجیمیزه گؤره، رد ائتمک، حذفلر و سیاسی انتقاملارا کئچمک دؤور-قاپاسی سونا چاتمالیدیر.
۱۰ ـ اؤلکهنین خاریجی سیاستینین اساس و تمللری، میلّی منافعلر و دونیا صولحو اولمالیدیر. بیز باغیمسیزلیق، برابر حقوقلار و قارشیلیقلی منافعلر اساسیندا ایرانین بوتون اؤلکهلر ایله سیاسی مناسبتلرینین گئنیشلنمهسینی ایستهییریک.