بیدارزنی سایتی فئمینست فعاللاریندان عبارت بیر قروپون مدیاییدیر کی، جینسیت برابری، ایچ-ایچه کئچمیش ظولملر و قادین حرکاتی ایله باشقا ایجتیماعی حرکتلرین موباریزهلری ساحهسینده جومعیتین بیلگیسینی یوکسلتمک اوچون چالیشیرلار.
تاریخچه
بیدارزنی سایتینین تاریخی داها اؤنجه «تا قانون خانواده برابر» (برابر عایله قانونونا دوغرو) باشلیغی آلتیندا فئمینست فعاللارین بیر قروپو طرفیندن ۱۳۸۸-جی ایلین قیشیندا ایشهسالیب. ۱۳۹۳-جو ایلین باهاریندا، بش ایللیک تجروبه قازاندقدان سونرا «تا قانون خانواده برابر» آدینی – کی بو قروپون بۆتون هدفلرینی ایفاده ائتمیردی – «بیدارزنی»-یه دَییشدیرمک قررینه گلدیك. بو سؤز، جینسیت آیریسئچکیلیکلرینه و قادین مسئلهلرینه قارشی جومعیتی اویاتماق اوچون آرمانیمیزی گؤستریر.
هدفلر
بیدارزنینین اصلی هدفی «جینسیت آیریسئچکیلیکلرینه قارشی جومعیتین بیلگیسینی یوکسلتمک و قادینلارین حاقلارینی اله گتیرمکدیر. بیز اینانیروق کی بو اساسدا، بو سایتین اؤزل هدفلری بونلاردیر:
- برابرلیک و جینسیت عدالتینی ترویج ائتمک
- آیریسئچیجی قانونلار ساحهسینده و اونون دَییشدیریلمهسی گرکلیکلرینده بیلگیلندیرمه
- قادینلارا قارشی شیدّتین نه اولدوغو ساحهسینده بیلگیلندیرمه و اونونلا موباریزه یوللارینی ترویج ائتمک
- ساغلیق، جینسیت حاقلاری و تؤرهمه حاقلاری ساحهسینده بیلگیلندیرمهنی یوکسلتمک
- فقره، برابرسیزلیگه و ساختار شیدّتینه قارشی قادین حرکاتی و باشقا ایجتیماعی حرکتلرین موباریزهلری حاقیندا بیلگیلندیرمهنی یوکسلتمک سایتین ساختاری