ایران فرهنگیلرین صنفی تشکیلاتلرینین هماهنگلیک شوراسی، بوتون اؤلکهده معلّملرین و تحصیل و ترسیه وزارتخانهسی چالیشانلارینین صنفی تشکیلاتلریندن عبارت بیر مجلیسدیر کی اساسنامهسینده، اؤزونو صنفی، قئیریسیاسی و قئیریمنفعت بیر مجلیس کیمی معرفی ائدیب و اؤز هدفینی اؤلکهنین فرهنگیلرینین صنفی تشکیلاتلرین بوتون فعالیتلرینده هماهنگلیک، انسجام و وحدت رویه ایجاد ائتمک اولدوغونو بیان ائدیب. بو شورا صنفی مواقیفلردن علاوه، بحرانلار و بعضی اجتماعی موضوعلار زمینهسیندهده مواقیفلر اعلان ائدیب کی کئچمیش ایللرده اجتماعی و سیاسی تحولات سیرینده، خصوصاً ۱۴۰۱ سراسری اعتراضلاریندا، مؤثّر نقش اویناییبدیر. بو شورا اؤز مواقیفلرینین اکثریّتینی اؤز سايتیندا یا اجتماعی شبکهلرده یاییملانان بیانیهلر واسیطهسی ایله اعلان ائدیر.
عمومی مجلیس، هماهنگلیک شوراسینین ان عالی قرارا آلما مرجعیدیر و عضو تشکیلاتلرین معرفی ائتدیگی نمایندهلردن تشکیل تاپیبدیر. شورانین دؤرهسل ریاستی هر دؤرهده چرخشی صورتده و تشکیلاتلردن بیرینین عهدهسیندهدیر.