اصلینده بیر «کومیت» موقتی بیر قورومدور کی، مشخص بیر هدف اطرافینده شکللنیر و بیر مدت فعالیّتدن سونرا طبیعتی اولاراق داغیلمالیدیر؛ ایندی بو داغیلما یا او زامان باش وئریر کی اونون هدفی تماماً حیاتا کئچیریلیب و یا او زامان کی عکسینه تعیین اولونموش هدفدن گئری قالیب و یئنیدن باخیلماغا احتیاجی وار. هر حالدا بیر کومیتنهنین داغیلما یا داها یئنی بیر قابیستا چئوریلمه گؤروشومو اولاجاق. ایشچی تشکیلاتی عمل کومیتنهنین نهایی هدفی ده گیزلین سوسیالیست هستهلرینی مشخص بیر عمل برنامهسی اطرافینده تشکیل ائتمکدیر. البته بو او دئمک دئییل کی کومیتنهنین تماسلاری و یا بوتون عوضولری ایلک باشدان اینقیلابی سوسیالیستلر اولاجاقلار، بلکه بیزیم گؤروشوموز، بو تشکُّل تاپمیش فعاللارین عمل برنامهسی اطرافینده، گیزلین اینقیلابی سوسیالیست هستهلری قالبینده تشکیل ائدیلمهسیدیر. بو هدفه چاتماقلا، یعنی اینقیلابی پیشتاز پارتیاسینین اؤزوللری کیمی هستهلرین یارادیلماسی و تشکیلاتی ایله، کومیتنین داغیلماسی زمینهلری حاضیرلاناجاق و پارتیا فورماسینا داخیل اولاجاقدیر. ائله بیر پارتیا کی، کومیتده تشکُّل تاپمیش سوسیالیست پیشرولرین اؤز تشخیصینه اساساً و اوضاعون نبضینی اله آلاراق و مشخص شرطلرین مشخص تحلیلی ایله اساسینی قویهجک و مؤجودولوگونو اعلان ائدهجکدیر. گؤرکملی و تجروبهلی و پیشرو و ایللرین فعالیتی نتیجهسینده پیشمیش کادرلری اولان، گوجلو لاکین دموکراتیک بیر مرکزیتدن برخوردار اولان، گراییش حوقوقونو مودافیه ائدن، ایشچی طبقهسینین سیاسی حاکمیّتی اله آلماق برنامهسی ایله تجهیز اولونموش، بوندان سونرا کئچمیش فعالیّتلری کیفیّت جهتدن داها یوخاری بیر سطحده داما-داما تعقیب ائدهبیلن اینقیلابی بیر پارتیا. بئله بیر پارتیا اولمادان، تئز و یا گئج ایشچیلرین بوتون قازانجلری بورژوازی طرفیندن پارچالاناناجاقدیر. هرچند بئله بیر پارتیا بوتون ایشچی طبقهسینین منافعهلرینی تمثیل ائدیر، لاکین ان آزیندان اینقیلابی یوکسلیش شرطلرینه قدر یالنیز ایشچی پیشرولری و اینقیلابی سوسیالیستلردن تشکیل اولوناجاقدیر و بو ندندن اؤتری پیشتاز پارتیاسی آدلاندیریلیر.
۱ مهر ۱۳۹۶