وێنەکانی «زۆر ئازانبەخشی» نەخۆشخانەی غەدیر «ڕاستن»

حوسێن کەرمانپوور، سەرۆکی ناوەندی پەیوەندییە گشتییەکان و ڕاگەیاندنی وەزارەتی تەندروستی، ڕایگەیاند ئەو وێنەیانەی لە تۆڕە کۆمەڵایەتییەکان سەبارەت بە نەخۆشخانەی خێرخوازیی غەدیر بڵاو کراونەتەوە «دوور نییە لە ڕاستی.»
بەڕێز کەرمانپوور ئەم وێنانەی بە «زۆر ئازانبەخش» وەسف کرد و گوتی کە «ڕاستن.» ئەم وێنە گەکان تەرمە پێچراوەکان لە ناو بەڕەڵەیەک لە نزیک نەخۆشخانەی غەدیری تاران پیشان دەدەن.
ڕۆژنامەی شەرق لە ڕاپۆرتێکدا نووسی: «ڕێک لە کاتی ساڵیادی چلەی گیانبازکراوانی ناڕەزایەتییەکانی جۆنگەی ١٤٠٤دا، بڵاوکردنەوەی وێنەی تۆقێنەر لە نەخۆشخانەی غەدیری تاران، دیسانەوە هەست و سۆزی خەڵکی ئێرانی بریندار کرد.»
ڕاپۆرتی ڕۆژنامەی شەرق دۆخی دەوروبەری بلواری هێنگام و مەیدانی غەدیر لە شەوی ١٨ی جۆنگەدا وەسف دەکات.
بەڕێز کەرمانپوور بە ڕۆژنامەی شەرقی گوت: «مەیدانی غەدیر یەکێک لە ناوچە قەرەباڵغەکانی شەوی هەژدەی جۆنگە بوو. هەر لەبەر ئەمەش بوو کە خەڵکێکی زۆریان لەو شوێنەوە گەیاندە نزیکترین ناوەندی دەرمان لەو دەوروبەرە کە بە شێوەیەکی سروشتی شوێنی مەبەست دەبێتە نەخۆشخانەی غەدیر.»
لە ئەنجامدا، «نەخۆشخانەیەکی بچووک رووبەڕووی شەپۆلێکی مەزنی بریندار و مردووان دەبێتەوە. بە پێی راپۆرتە گەیشتووەکان بۆ لای ئێمە، نزیکەی ١٥٠ بریندار سەردانی ئەم نەخۆشخانەیە دەکەن و هەروەها تەرمی ٣٦ کەسی گیانبازکراو دەگەیەننە هەمان نەخۆشخانە. ئەمەش لە کاتێکدایە کە ساردخانەی نەخۆشخانەی غەدیر تەنها توانای پێنج کەسی مردووی هەبووە. مردووەکانیش لەوێوە بۆ کهریزک دەگوێزرێنەوە.»
ڕاپۆرتی ڕۆژنامەی شەرق هەندێک لە وێنە بڵاوکراوەکانی ئەم نەخۆشخانەیەی وەسف کردووە لەوانە ئەو وێنەیەی کە تێیدا «مرۆڤ دەتوانێت تەنانەت دەموچاوی یەکێک لەم تەرمانەش ببەینە بەر چاو: ئایدا عەقیلی، کچێکی گەنج کە لەوانەیە هێشتا دەموچاوی خۆشەویستی نەخستبێتە سەر سنگی. بەو جۆرە هێمن و ڕوون خەوتووە کە گۆیا جیهان هێشتا لە لێدانی هەناسەکانی ئەودا بەردەوامە.»