شورای هەماهنگیی ڕێکخراوە صنفییەکانی فەرهەنگییەکانی ئێران، کۆمەڵێکە لە ڕێکخراوە صنفییەکانی مامۆستایان و کارمەندانی وەزارەتی پەروەردە و فێرکردن لە سەرانسەری وڵاتدا کە لە پەیڕەوی ناوخۆیدا، خۆی وەکو کۆمەڵێکی صنفی، ناحیزبی و ناڕەزوڕ، ناساندووە و ئامانجی خۆی پێکهێنانی هەماهنگی، یەکخستن و یەکڕیزی لە سەرجەم چالاکییەکانی ڕێکخراوە صنفییەکانی فەرهەنگییەکانی وڵاتدا دەربڕیوە. ئەم شۆڕایە جگە لە هەڵوێستە صنفییەکان، لە بواری قەیرانەکان و هەندێک بابەتی کۆمەڵایەتیشدا هەڵوێستی ڕاگەیاندووە کە لە ساڵانی ڕابردوودا لە ڕەوتی گۆڕانکارییە کۆمەڵایەتی و سیاسییەکاندا، بەتایبەت لە ناڕەزایەتییە سەرتاسەرییەکانی ١٤٠١دا، ڕۆڵی کاریگەری هەبووە. ئەم شۆڕایە زۆرینەی هەڵوێستەکانی خۆی لە ڕێگەی بەیاننامە بڵاوکراوەکانەوە لە ماڵپەڕەکەی خۆیدا یان تۆڕە کۆمەڵایەتییەکان ڕادەگەیەنێت.
کۆبوونەوەی گشتی، بەرزترین دەسەڵاتی بڕیاردانی شۆڕای هەماهنگییە و پێکهاتووە لە نوێنەرە ناسێنراوەکانی ڕێکخراوە ئەندامەکان. سەرۆکایەتی خولیی شۆڕای لە هەر خولێکدا بە شێوەی سووڕانەوە و لە ئەستۆی یەکێک لە ڕێکخراوەکانە.